月初，眼睛無啦啦感染，一醫就一個多星期。新年留留，真有點無奈!
幸好如今幾乎好左九成，周二再去覆診，應無大礙，大家放心呵呵 !
P1
新年期間，影友多次詢問，去不去影太陽鳥，因有事沒能成行。
這幾天眼睛好返八成，心思思想出去行下。
上周四放假，首選近近D鳳園碰下運氣，出發前影友說，咁凍無蝶架，去影其它啦，我堅持去了鳳園。
腳踏大門就見到桔開滿小桔子，心諗? 今日唔通會得個桔?
P2 (菜粉蝶)
又好難講，咁凍那來蝶比我影呀 ? 正當在惆悵之時 ~~
既然都來了，到窗口問下哥仔 : "今日多人來影蝶嗎? 佢話無。" 咁咪仲正! 最怕人多。買飛入去，無蝶咪當郊外遊。
當我買完飛步出，暖暖陽光灑上大地，坐下來吃個面包先，包都没開始吃，抬頭便見到在凳旁葉叢上有對交尾 " 菜粉蝶" ，好驚喜 呀~~
那刻真的高興到不得了 !竟然在我旁邊，發達囉 ~~
P3
影到菜粉蝶飛走為止，吃埋個面包再去第二期，行至蔭暗小路上遇到一個在鳳園工作伯伯。
他很好人，主動上前問我 : 「靚女，你一個人呀 ? 今日不用返工咩 ? 唔使湊仔 ? 你好彩，有兩雙蚜灰蝶在樹葉上」。
亞伯一口氣講咁多，我聽完問佢，不如你帶我去可以嗎 ? 鳳園咁大，手指甲咁細隻蝶，對於我來說難搵架!
佢好樂意幫我，跟住佢一路行就一路自言自語 : 「趁無人行快D，再行入D啦~~行入D~~再行入DDDD! 」不停重複這句。
P4
我自然反應地身體熱了一下，醒覺自問? 佢會騙人嗎? 又話趁無行入D再行入D ~~汗顏~~!
事成個鳳園只得二三個人影，不得不防!
我即說，亞伯，不如你行先啦,，我等埋我個朋友，佢馬上就到了。然後趁佢行在前面是，我拿出支行山棍，以防萬一。
P6 (蚜灰蝶)
支行山棍，我本身用來嚇大狗哈哈 ~~不是打人呵呵 ~大家放心，支棍最後無用到。
P7(無斑珂弄蝶)
當我見到亞伯在前面輕手輕腳地查看那棵樹時，也興奮地告訴我：「靚女，我無騙你架，你不用等你朋友，快D影啦，只蚜灰蝶好新鮮，成個" 小鳳姐" 坐在那裡等你呀 ! 」
那刻，我心情有點亂，又感動 !
只因亞伯留底這句話便轉身走了 ! 「 你慢慢影啦」!
P8
望著亞伯的背影，又一次證明世上仍然有很多好人。又或是風箏好運，次次遇到D人都好好。
P9(絹斑蝶)
離開鳳園，在門口小買部買左本蝶手冊，又見到亞伯，那刻我很安心地和他聊天，問了很多關於蝴蝶的事宜。
回想起剛才拿支棍出來的動作，會心地笑了 !
P10
紅色飛蝦好難得見到，就算見到都難影，佢好似蜜蜂咁忙。
P11
蚜灰蝶也不常見，小到尾手指咁細，因佢黑白點成個 " 小鳳姐" 條裙咁，所以D影友都稱佢為 " 小鳳姐" !
P12
P13
P14
P15
當天還有擦身而過太陽鳥 ! 呵呵~
頭鰐鰐，在等什么呢?
P16
呵呵，最終没有得個桔，而是雙桔。一日內見到難影 " 飛蝦" 和"大陽鳥 (男仔)" !
好好聽音樂，可惜不懂整Autopay，要按下才能聽到 !
沒有留言:
張貼留言