東涌尋蝶記

最近我的蝶運真的麻麻，去親都吃白果。。。！！！

十月和十一月，最火熱的兩只蝶是「疑波灰蝶 ＆ 娜拉波灰蝶」，牠出現在東涌消防局後面荒廢多年的大草地。那裡熱鬧程度至今仍唯持，多則七、八十人、少則四、五十人。最好笑係個個似遊魂那樣，在球場咁大的草地上有行行企企、有些趴地、有些三五成群在聊天，這樣情景，路過的途人都好奇地問他們在做什么。

P1-金斑蝶

十一月初，群組吹雞去東涌大草地搵「雙波」哦～，東涌影相，交通方便、不用上山涉水、吃野又方便，咁舒服，我一定跟啦！

P2-金斑蝶

由屯門碼頭坐船去東涌半小時，到左東涌見有時間，吃個早餐飲埋杯咖啡輕輕鬆鬆先入去大草地。其間，電話Ｗ聲不停在震，影友老是在問，行到邊呀？我說，急什么呀！飲埋杯咖啡先啦，東涌影相我當郊遊架！

P3-藍咖灰蝶

大約十點我到左，見到群組的影友，有些好長時間無見過，大家寒暄一輪，正聊得好開心之時，突然有師兄大叫，「疑波灰蝶」出現左，快Ｄ過來排隊，於是個個九秒九跑過去，嘩～好長條龍，係兩隻出現左，所以排左兩條龍，每條約三十人左右啦，以我經驗，一定没排到我就飛走啦。

P4-藍咖灰蝶

事實就是這樣，没排到一半隻蝶已飛左第二個位。當天「疑波灰蝶」出左幾次，但不定向咁飛，好難捉摸，排幾次都影唔到。「疑波」吃白果，但大草地都有好多Ｄ普通蝶影，最後影到一對交尾都算收穫啦。

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

十一月尾再去東通大草地，今次目標蝶係「白傘弄蝶」。我們去的前一日(周五)，有師兄影到隻「白傘弄蝶」好新鮮、顏色好鮮艷。於是周六約左博友前去碰碰運氣。

「白傘弄蝶」好難影到原因係：飛行快速，通常只在清晨和黃昏光線微弱時出現，其餘時間都停留在林間葉底。由於在野外較難觀察到牠，因此常被誤認為罕見！**

P5-疑波灰蝶

今次目標蝶雖没出現時，但竟然影到上次影唔到的「疑波灰蝶」上圖。都說牠是罕見？個樣好似好普通咁喔，而且顏色全灰，没有亮麗感。牠喜歡在貼地上小草上又或在不張揚地方，以我技術都几難影到靚。

P6-黃斑弄蝶

又係遊魂咁，今次只有二、三十人在大草地望天打掛，嘻嘻～～真没試過咁慘，慘到竟然排隊影小灰蝶，即是平時路邊常見那种小灰蝶！還有這种小黃弄仔。

P7-菜粉蝶

午餐時間都到啦，隻「白傘弄蝶」都没見蹤影，腳都行到有點攰添，醫飽肚先講。

P8-蛇目蛺蝶(旱季)

離大草地只有几分鐘路程有間泰式餐廳，環境還算可以。叫左常餐；海南雞飯＋泰式奶茶，嘩～～難吃難飲到。。泰式茶超甜，博友都拎曬頭。呵呵～

P9-似酢醬灰蝶

吃完都兩點多，繼續遊魂。。。。。。話時話，在一個球場咁大草地行來行去，不知不覺行左大半日，唔知有多少公里呢？難怪當晚回到家雙腿都有少少痛添。

P10-小灰蝶

P11-黎桑矍眼蝶

都三點了，「白傘」仲没出現，但郤影到「黎桑矍眼蝶」算是意外收穫嗎？

第一次影，有六個圓點，所以也有人稱「六目蝶」。幼蟲食用剛莠竹；展翅約 30 至 40 毫米；全年可見。**

P12

**食 性 ：花粉、花蜜、植物汁液。**  好識吃～～

P13 -好似年紀大左既翠藍眼蛺蝶

P14-小灰蝶

P15-黃弄蝶

P16-亮灰蝶

時間一秒一秒地過，最後下午三、四點都没見到「「白傘弄蝶」出現。都無計啦，我又唔識蝶語，溝通唔到，唔知佢几先出現，唯有等緣份到！

ps: 蝶名唔知有無錯, 如有請指正! 謝謝!