影友說近來無蝴蝶影，好耐無聯誼下，不如搞個「龍鼓灘BBQ、日落和影火圈」活動。群組有活動，時間許可的話我一定支持。於是今個月在龍鼓灘連玩兩次。
P1
1月7日星期日，天氣寒冷，最適合BBQ啦。日落一定無望，但無損大家心情，一行十人浩浩蕩蕩進入龍鼓灘，心情興奮得似個小朋友出街咁。
P2
BBQ的位置有近海景位(140元/1人)和有瓦遮頭位(120元/1人)，嘩~咁凍，海邊超大風，我們選擇有瓦遮頭位置，價錢不貴而且無時間限制，仲有明星演唱會錄影播放比你睇，食材方面當然係普通野。
P3
燒下~傾下~時間過得特別快，嘻嘻哈哈圍住個爐，暖粒粒，好正的感覺。
P4
下午五點半，好似想下雨咁，好快天黑。C兄召集齊人，設好位，對好蕉，大叫一二三開始FING火，但我耳邊傳來另一C姐把聲；没得呀，没對到蕉呀。。。。。話口没完我都按下快門了，所以影成咁。
P5
C兄趁天空仲有D藍，好落力FING多幾轉比我們影，兩位師兄輪流FING，几個回合後郤出現小插曲，係師兄FING大力得劑，火花四濺，搞到火燒後欄都唔知，放在後面裝钢絲棉環保袋燒著左，FING完影完先發覺，笑到我D肚都痛，忙住赴火，最後只係影到這張。
P6
鋼絲棉一把火燒左，無得玩，趁天没算太黑，影返張夜景先，影完再返入去燒只雞亦吃下先!
P7
由於上次FING火圈出現小插曲，FING錯位燒曬D鋼絲棉。
1月20日再來補影，又係同一個活動: 「BBQ、日落、玩火圈」。呵呵~~樂此不疲，老公都話我痴線，影火圈我已經影過三次，無次靚，所以今次再參加。
P8
一個無得估的天氣，黃昏時竟然咁靚，太興奮了，確實好耐無見過咁靚既日落了。很溫暖畫面，仔仔騎博馬，回家去。
P9
P10
彩霞滿天下，情侶在嘻戲，影友在影相，各有各忙著～
P11
遇上一抺柔美晚霞，那怕係只停留片刻，我都很感恩。還有為我們FING火FING到手都起泡既C兄，我都因為他而感動。
P12
P13
P14
也有期待火燒雲會出現，可惜都係無～
P15
影完日落，重頭戲來了。
P16
今次Ｃ兄FING左幾個唔同姿勢給我們影，每當點著火FING開去那刻，耳邊都會好吵，係吵得開心那种。
P17
哈~~我們當左C兄係機器人，C姐們又要求多多，大大聲FING大D、又細D、又再收細呀，因為我們企位置離火圈有段距離，所以叫得特別大聲。
P18
可能轉到C兄頭都暈埋，FING下FING下轉左位咁既，斜左。
P19
天好快黑下來，影埋這張收工啦。
P20
爭取時間呀，最後一張D火往頭頂FING，C兄說這張要對住天空來影既，但我們對住地來影，大家溝通出錯，但影完我都唔知錯在那裡。呵呵~
今次我無陪大家燒埋下半場了，老公WHATSAPP不停說已拿左位，去吃烤魚，又好大反應，又烤???
沒有留言:
張貼留言