有C姐同我講沙田公園有太陽鳥、長尾縫葉鶯、小翠影。前兩種鳥兒之前也影過，唯獨小翠無機會影。
新年趁假期没結束，一個人靜雞雞去沙公，看看有無咁幸運可以遇到。沙公係個散步悠閒好地方，鳥語花香，環境夠光陽，有姐姐載歌載舞，熱鬧得很。
當天去到有點晚，平時影小翠位置只有三兩人，就知無乜機會，於是厚著面皮前去問C兄，他們說小翠吃飽瞓午覺，等成個鐘都無出。佢仲提議如想影小翠明天早些來，早上有C兄拿著小魚來喂小翠吃，久唔久拋入水中，小翠會從樹上跳下水中吃小魚，目的係想影小翠潜入水再起身個動作，雖然對我來說好高難度，但都想一試。今日既然無希望，那就打道回府吧!
P1
正準備回家之際，收到C姐Whatsapp，May快過來，鳳園有蚜灰交尾，我問佢交左几耐，會唔會我去到散左呀? 她答得好爽，睇來有排交，快快~~，心諗你又知有排交?
唔理，一於博下，我即步履如飛朝著小巴站行去，見路人即問，請問有什么小巴可去"大埔凰園呀" ，亞伯拗頭回我，大埔鳳園係什么來，在什么地方? 之後問一、二、三個竟然無人知， 當我心急如焚之時，旁邊使來一架的士，伸手叫停然後一支箭鑽入去。
P2
司機，唔該去大埔"鳳園" ，鳳園在那裡呀? 嚇~~司機都唔知? 汗~~，咁你先朝著大埔方向行先，我開GPS比你，我把手機給司機看，地圖顯示旁邊有大型高級屋苑" 嵐山" 豪宅，你跟住指引行無錯，幸好都順利順利到達。
P3 (咁貴影返來，得一种蝶，放多幾張先安撫到自己哈哈~~)
途中我在想，"大埔鳳園蝴蝶園"咁多人都唔知係邊，政府宣傳工作没做好，咁又唔好賴人，唔影蝴蝶無啦啦去那裡做咩呢?又或如果我早講"大埔嵐山"高級屋苑或許會有更多人知。
WO~係自己轉數太慢~~哈哈!日日掛住鳳園。
P4
P5
影友們都稱牠為" 小鳳姐"，可能因佢花紋似小鳳姐條裙架。印象中每年也只是這個時候才出現，蝶身都算好細，咁大個園林搵到一隻真不容易，何況交尾，所以"飛的"去都覺得好值。大家又來猜猜由沙田到大埔"鳳園"我坐左几多錢呢?
P6(條路好似好艰辛, 相愛很難! :) )
既然係"飛的"去，那不防放多一張來看下啦，悶親你唔關我事。開估了，由沙田到大埔鳳園多謝HKD110.00元。呵呵~~小鳳姐演唱會最便都要HKD380元啦!
P7
寒冬已過，春回大地，郁李花開，希望來緊會多D蝶影下。
鳳園的蝶比以前少左，近來連續去兩次都係"獨孤一味" 那天我們磨爛席都等到下午五點先走，但都没有其它蝶出來!
P8
行行企企，吹水都吹夠啦，無聊起來這雙普蝶都影，不過當賞下花都無防。
今日有消息" 梅花三弄"出左，睇來這幾日又會好多人去鳳園過元宵佳節了，那裡分分鐘仲熱鬧過尖沙咀元宵燈會。~~
今日，
除左同小鳳姐拜遲年，
重要係同大家講聲:
元宵快樂!
團圓幸福!
: ) :)
沒有留言:
張貼留言