初影馬術障礙賽

《馬術場地礙障賽》

日期：2018-03-03&04（六/日）

時間：9:00～14:30

地點：上水雙魚河

主辨：香港馬術總會

P1 (她們在聊什么呢? 笑起來很美喲)

二月中，朋友問我有無興趣影馬術，如果有，填表報名，都好喔，新嘗試，又唔使比錢，又有車接送去上水雙魚河影，都係一個很好既活動。

P2(靚女第一個出場, 在思索什么呢?)

大會通知集合時間為上午九點半在粉嶺火車站C出口等，一向準時的我八點半已到火車站，歎埋杯咖啡剛剛好。

P3(好瀟灑，跨欄而過)

其實今次影相係有少少壓力，因為要交三十張相比大會。担心第一次影交唔到相。但朋友的鼓勵，令我有返D信心。當然影之前都問左朋友點樣影，對蕉位置、光圈、ISO、快門等等。

問是一回事，但實際環境又係一回事，有些情況不是你預計到，還是臨場發揮吧! 

P4(人馬合一)

唔好笑我，雙魚河馬術中心我第一次去。到達中心，放眼望去綠草如茵，遠山連綿，風景如畫般美。

我們一行十多人像小朋友跟住領隊入比賽場地，領隊一邊行一邊講D規條，講大埋野，都唔記咁多，印象最深係叫你唔好行咁埋圍欄，起碼要離圍欄一米遠，太近舉機影響馬隻比賽。

P5

我係初哥，當然係好守規矩，加上一把年紀比人話好無面啫。但真的開始影比賽時，見有D影友一樣照行埋圍欄旁邊影。

P6

比賽開始一段時間我都仲行來行去，有點迷茫，只馬兜圈來來回回，我都唔知點影，感覺四周都係圍欄，欄外又到處都有人，總之唔知要企什么位置先影到清楚和背景乾淨D。

P7(嘟起嘴仔, 更係...魚..一聲

上午影大部份都比較亂雜，經過上午後，下午有返D頭緒。不過等我有頭緒時賽事已經結束了。2點45分結束。

P8

没影相之前，我想像影馬術比賽可以坐住張櫈仔在欄邊慢慢影，仲專門買左張小櫈，點知一切都不是想像咁，想找個靚位都難，加上當天氣溫超高，大汗疊細汗，諗諗都几辛苦下。

P9

雖然辛苦，但都几好玩，有機會我都想去影多一次，相信會影得更靚!

溫馨提示：如果你們有機會去影，記得自己帶水和乾糧，因為那裡買東西吃超~超~超~貴。呵呵~~

一支可樂~多謝25元，一隻熱狗~多謝65元!!

P10(準備出發)

P11 (沖埋去,隻馬突然淆底)

P12

P13(馬尾飄掦)

P14 (隔離高爾夫球場)

P15

P16

P17

 P18(高頭大馬)

 P19(成功跨欄)

對「馬術場地障礙賽」的知識係零的我，感覺唔到今次既比賽有幾激烈和緊張。觀眾也不算太多，唔知係唔係太遠既原因，還是宣傳不足呢? 那就不得而知!