成個五月都熱到爆，我都停影了一段時間了。
但有時會心思思想去影下相，唯有選擇影日落或夜景。
P1
朋友在網上搵到這個景，据網上資料介紹，地點不遠、路不難行、估計一小時左右可以上到石龍拱就可以影到夜景，撞岩日落靚既話，仲可以影埋，咁正，即拍板去。
P2
石龍拱位於荃灣，高度474米，我和朋友約好在荃灣港安醫院門口等，經由元荃古道上去。
路線網上資料：在港安醫院斜對面的梯級循元荃古道上行至引水道，再接水泥徑上走。及後沿欄杆上行至下花山的涼亭。在支路左方沿修建完好的山徑走至石龍拱的涼亭。 由此右轉，走過草坡，接碎石徑上攀至石龍拱山頂。及後沿北面的小徑下走，走過小片林地。遇上左右二路，取左方行走，下降至廢置的蓮花山村校。接上來往元荃古道及麥理浩徑九段的山徑，左轉走至元荃古道，再左走返回石龍拱的涼亭。最後沿路返回港安醫院。
P3
由山腳到影夜景位置，估計係一小時路程吧，沿路都係水泥梯級，以我咁多年行山經驗來說，這段路算是相當好行，比起青山、獅山、菠蘿山等，這裡不算什么。
但行了不到1/3路程，感覺有些怪，有點頭暈，我說要抖抖先，朋友見狀，即停下腳步，幫忙把補充熱量食物及糖給我吃，再飲保礦力，抖左一陣好好多，朋友建議不要硬來，不如大家一齊下山吧！我自己知自己事，抖一陣無事。
P4
只要行慢些，又再抖抖，到左半山腰開始感受到涼爽山風，那時感覺舒服多了。我在想，可能係我臨上山時飲左杯凍檸茶作怪，加上午餐吃得很少原因。
P5
盡管沿路林蔭夾道，但一路都係拾級而上，没有太多平緩的路，加上氣溫又高，一身濕透地行到石龍拱地標。
站在高高地標上，真教人興奮。將遠遠荃灣、青衣、和維港對面都一覧無遺盡在眼底。
近處仲看到牛牛，牠們優遊自在夕陽下唔嫩既草就唔食，真幸福。
P6
當你以為今日會有大收穫之時，天總是不如人願，日落真係麻麻，一股黑雲跟住乜都遮曬。
貪心有時都几辛苦下，今次日落位＆夜景位係相反方向，如果兩處位置相隔得近無所謂，但如果係遠，你要在影完日落九秒九跑去夜景位置，人少無所謂，如果人多分分鐘連腳架住都無。
P7
朋友成日說影夜景係得短短十分鐘左右，所以我們要把握時間。跟住又跑去找夜景位置，那刻想不到自己咁勇，全程跑第一，哈哈～跑到左山腰大家仿似很陌生，點解找不到上山時見到很開陽那位置呢？跟住話去另一山頭看下，又急急腳跑去另一山頭，看方向是最佳位置，最後時間剛剛好。
P8
影日景的時候，我手多多加左塊CPL來玩，我唔記得左影夜景時有無拆掉，因感覺今次影Ｄ夜影都係比平時偏藍左，係整張相都係藍色，如果唔係無用CPL，那又是什么原因呢？
好難執，本想不要，但免強執出來做個記錄都好。
P9
另一角係荃灣入屯門公路方向，見到丁九橋和青馬大橋。
P10
天氣清朗仲可以見到港島中西區。
今次我們只係行荃灣港安醫院起步至石龍拱路段，我把路線告訴其它朋友，都說天氣涼些叫我帶她們去，這段路確是几靚，一路都係蜿蜒向上小徑，剛好這季節兩旁有長滿高高低低山棯樹，花開得好靚。仲有牛牛、又有靚景、不高不低，真係行山好選擇。
沒有留言:
張貼留言