愛在初秋@長尾藍灰蝶

veres lacturnus rileyi
長尾藍灰蝶

幼蟲食用假地豆和顯脈山綠豆；

展翅約 25毫米；雌雄二型；四月至十二月可見。

P1

有誰知道那只是雌、那只是雄?

答案往下看，呵呵～

P2

「長尾藍灰蝶」在半月之前已爆發，由於那段時間人太多，我迟迟没動身，甚至不太想去。

國慶假期頭二天已約左朋友飲醉吃飽，剩下最後一天假期無所事事，於是單拖前往朗屏後山碰下運氣，希望搭到尾班車。

P3

一個人影相有一個人既好處，瞓到自然醒吃埋早餐悠悠遊遊去，不用因約人限時限刻。

已經係水尾啦，無野影當行山都唔錯。於是輕輕鬆鬆十點半到朗屏邨後山，哦，都有二十几人喔，見到影人在山上行來行去地毯式咁搵蝶就知目標蝶没出啦。

P4

我也加入搵蝶行列，沿著山上小路邊兜圈，兜了四十分鐘左右都無蝶。加上小山坡有個亞伯練吹Saxophone，真係難听到一點Saxophone既Feel都無，間唔中Bu~bu聲，係超大聲，好似抗議影人在那山上打擾佢咁。好嘈，又無蝶不如走。

P5

走，一場出左來，唔想咁快回家啦，放眼望去，由朗屏上丫髻山條路都几崎嶇下，汗！最後還是決定上去博一博。

行左1/3路程，見到兩位影人靜雞雞蹲在地下，我八卦上去問下師兄影什么東東，師即笑笑口影「長尾藍」，嘩，我真係好彩，咁都比我遇到。

開始師兄以為我行山人士，仲同我講上丫山好辛苦架，你一個人小心Ｄ，嘻嘻，我說係來影「長尾藍」架，他說你真係好彩，我剛找到一對，你没影過比你影先。

P6

就這樣，一影就影左二小時！總算完左影「長尾藍」交尾蝶既心願了。真係好多謝那位師兄，原來那裡係無乜人知有長尾藍出現既地方，而且有幾對添！

P7

我想在朗屏山上那班友應吃白果了！呵呵，我笑得好得戚架。

PS: 細只那只係雄, 大只是雌!