越野電單車表演

10月21日，參加了「香港風景攝影會」越野電單車拍攝活動。此次活動係給「香港風景攝影會」的學生參加的，因我不是他們的學生，今次係拉人衫尾去參加的!

  

P1

當日上午10點在粉嶺火車站集合，見面交100大元費用，有巴士接送到場地，其實不算貴，唯一不太滿意係影攝影時間太短，說是10點影到下午2點，但等齊人上車都11點几，去到成12點。

P2

初時我以為在雙魚河馬會附近，點知巴士一直駛入唔知咩村，下車仲要行二十分鐘山路先到表演場地，影完咁耐，到現在我仍不知那裡是什么地方。

P3

去到表演場地，見到有教練在幫小朋友做訓練，而大朋友就在場地不停兜圈，「風景會會長」不時用大聲公跟我們說，大家可以熱身下，影下這些訓練先，晏少少才表演比大家影。

P4

之後係几十人七嘴八舌圍住問亞SIR用什么SETTING來影，最常听到係用几長鏡、用几多快門等等。其實用24-70&70-200都得，但有些位太遠就要裁好多，近位都勉強可以，都係視乎個人選擇。

P5

而我全程用70-200影，一來想用多Ｄ支鏡、二來遠少少影點都安全D，見到師兄師姐博曬命行到跑道邊影，相機和人都被飛淺泥漿搞到一身都係，我真怕怕。

P6

影相者，唔使咁博架，試過几次飛車在他們頭頂飛。朋友成日叫我換返24-70來影，行埋路邊影，我一直没有理會他，他一直在我前面影，後來他中招才知我用意哈哈！！

P7

原來你用70-200係要我幫你擋泥漿呀! 我笑說你真叻叻。

都傻既，跟本那裡用70-200影最岩，我認為是，或者又驗了島兄那句話，影蝴蝶裁相裁慣，所以影這些都一樣！

P8

吸取影單車少少經驗，越野單車咁大架，速度也很快，快門一定要快些先影到！不過有些師姐仍係好崇拜慢快門感覺，但她無想過，唔係人人都做到，1/15-20-30得1~2個勁師兄先得啫，師姐無經驗又點會影到呢？

P9

我還是用自己方式去影，唔中意听一咪要教人用慢快門的話，跟本自己技術没到家，慢快門全軍伏滅都好大機會，最後我無記錯的話1/60-125之間，都感覺OK吧。

P10

但有師兄還是覺得不夠動感，散景唔夠散，那我既技術只能影到咁，除非練多几十次啦哈！

P11

P13

那天天氣真的好正，風和日麗，可惜時間太短，二點鐘收場，真正表演比我們影既時間只有40分鐘左右，都好啦，早收可以齊嘩嘩去飲茶。

P14

影越野車，今次又係第一次接觸，能在短短時間內影到咁，我自己算收貨啦，你們呢？