沙螺灣捕蝶

近這兩個月去了三次沙螺灣，兩次影橋，一次影蝶。

影港珠澳大橋，途經沙螺灣，無意中發現村附近好多蝴蝶，有些仲係少見，就如下圖P1珐蛺蝶，橙色好養眼，如果開翼，遠遠望去，成個橙咁，如岩光，穿透蝶翼，又成個燈籠咁，好靚～！

P1-珐蛱蝶，印象中第一次影

當我得知那裡有蝶影，當然不會錯過，問了朋友去唔去，朋友嫌太遠，所以決定一個人去，仲好自私地想，今次應該無乜人知這裡有蝶架，可以一個人影餐飽。

P2-玄珠帶蛺蝶

誰知十點半去到，已經有十几個人在那裡了，三五成群各自在几個位影，所以話影蝶Ｄ人消息真好靈通，諗住自己影橋無意中發現新大陸，原來係自己孤陋寡聞。

P3

一到步已經有達摩迎接，其它影友似乎唔太影，雖今年說達摩爆發啫，但我還是影極都唔厭，裡Ｄ唔算走火入魔架？　哈哈～

P4- 疑波灰蝶，今年多左，好多地方都有

影完達摩，沿著Ｓ形小路往村裡行，雖是深秋，但周圍碧草如茵，空氣清新，路的兩旁有很多小灰蝶飛來飛去，見此情景，我停下來欣賞。影蝶咁耐，大慨知有機會交尾，今次係我第二次見到小灰蝶在空中嬉戲、打情駡悄一陣、接著找也地方、然後就。。。。。。。。咁樣了！

P5- 紫灰蝶，也不是很常見的。

影完，再往碼頭方向行，又見到這對紫灰蝶交尾，今次仲唔比某博友笑，哈哈～當然不是我感應到啦，係緣份來架。當天好運降臨，慶幸地遇上這兩對蝶交尾！

P6-普通斑蝶

P7

P8

村口有一個球場，蝴蝶在球場邊飛來飛去，在這裡影相簡直係享受，平坦的路、寧靜鄉村、周圍都好乾淨、最緊要有廁所、又有綠底和粉紅色球場地面作背景，總之一字：正～！！！