2019年了(鳥)

新年首篇，我選了一輯有活力的相思仔作開篇。

希望來年自己好似相思仔咁精精神神，喳喳跳，捕蝶影景都人快過人。呵呵~~!

元旦，飲完茶同家人去行山，新年嘛，行過大運。

行山期間，聊起我減肥事，講出來都比亞仔笑，年年都講減肥，點知越減越肥。老公仲加重語氣說，鬼咩! 越老越喂食哈哈，收工回家前仲買雪糕食，几次比我撞到正! 哈哈，突然好記性。

聊左一陣，耳邊傳來相思仔叫聲，叫他們別嘈，再停下來等了一下，果然二三十隻在那樹與樹之間穿梭。相思仔活躍症發作，在樹上跳來跳去，不肯停留下來，不過我知佢一定會飛下來給我影，曾經有人同我講過我跟雀仔好有緣。

之後我提議不如你爺俩先行上山頂再下來，我就不行上去了，我要在這等相思仔，哈哈，又比人話痴線，老公話預左啦! 你拿得相機出來預左影野，你真知我心哈!

等到他們行完下到半山仍見我坐係度，老公離遠大大聲叫: 傻婆，有無影到相思仔呀? 我扮可憐，没呀，牠不肯停下來，可能要等到四點先下來吃樹葉，你回家買菜先啦，我等多一個鐘先回家，呵呵，其實那時我已影到飽曬，只是我又想影靚D和又唔想買菜做飯，咁咪係山上HEA到四五點先回家囉~~!

~拍於後花園相思仔~

P1食到滿嘴都係

P2這招可以減肥嗎?似練下腰力多D

P3風箏, 你拍夠了嗎? 啍~

P4有點鬼鬼祟祟

P5望天掛

P6高難度動作

P7

P8高低自如

P9裡張動作比較優美

P10牠們好似有共同目標...

P11牠們在商量什么呢?