2019花展@點玄灰蝶

2019年花展曲終人散，留下印象最深唔係什么花花，而係這隻「點玄灰蝶」。今年係有史以來最多蝶友相聚、排隊、瞓身相許在一起的花展，不管天氣有多糟，不為別的，只為這隻貌似很普通的小蝶。

P1

今年本來不打算去花展逛，原因以「大紅花」作主題，覺得無乜新意，大紅花在家附近都見過三隻色，有什么好看呢？在我放棄前往之時，見到FB POST了這隻而又傳說八年無在香港現身過的小蝶，這時我又坐不住了。

P2

抽到時間去時已係花展結束前二日，最後衝刺，3月23日，天空下著毛毛細雨，又遮又雨褸，不想增加自己負擔，一支微距鏡搞掂。到步直衝影蝶位置，維園雖大，但不難找，一路行入少少便看到長長人龍在排隊，一堆熟口熟面師兄師姐，一個個蓮子蓉面孔，見到都開心，更係有收穫啦！

P3

排隊時會有路人用疑惑而好奇眼光行埋來問我影什么？我話影蝶，但Ｄ人總是說看不到隻蝶在那呢？

又係既，隻蝶目前是國內最細小一隻蝶種，翅膀展開只有12-17毫米，肉眼看應似風箏母指甲般大，置身萬花卉中的確唔搶眼。但影慣蝶的大師兄一眼就見到，即使飛走左，都跟到佢去那裡，有他們在我們這些無名小輩都算有福了。

P4

都說它佷多年没有在香港出現過，也不無道理，影蝶資深大師說，今次在維園見到這隻蝶，多數都係隨花展那些盆栽入來。

P5

上網查了一下：「點玄灰蝶」其實並不是香港的原生蝴蝶品种，幼虫的寄居在盆栽植物上，這次花展的花及盆栽多數是由內地運入，如無估錯，這次讓蝶友瘋狂的「點玄灰蝶」應該係「非法入境」者。

P6

花展結束當天又再去，碰下運氣，會否影到交尾，没想到蝴蝶也跟著花展結束而結束，見到隻蝴蝶開始殘殘地，顏色變淡而爛翼，但人流也没減少，反而多左手機黨湊熱鬧，我拿住支384影，好似是大炮打烏蠅，仲影手機蝶，覺得都几好笑。

話雖如此，但能湊上今次這熱鬧也算是開心花展行，希望「點玄灰蝶」能在香港菠蘿山落腳，我會當相睇咁慢慢睇、慢慢影，影到我仔咁靚。

呵呵~ 再見了。。小玄子！