大生圍日落

6月中旬的某一天，朋友告訴我，「大生圍魚塘有窿窿」影。近水樓台喔，一於收工去影，當天就帶機返工，因上年已經吃白果，今年唔想錯過，寧願影完返公司做埋手尾。

P1

5點半就出發，去到都6點多了，上車時藍天白雲，去到大生圍突然傾盆大雨。避了一陣雨，再往魚塘方向行去。

P2

一邊行一邊自言自語，死啦，天大地大，几十個魚塘，究竟係邊？正當很惆悵時，一投頭，便見到雨後彩虹在白雲內放閃，心想，今晚應該好運，彩虹仿似告訴我往左邊行。

P3

眼看離日落時間就快到了，心急如焚，急步向前行，突然一輛私家車停在我前面，司機打開車窗，問："師姐，見你拿住腳架，係去影日落魚塘窿窿嗎＂？我說是呀，上車吧，車埋你。

P4

我探頭望一望車內，哦，有二位師姐在內，司機說我們都係去影日落，師兄還說：影相位置都好遠下，你行到日落都無了。

P5

我好驚訝，咁遠架，一直以為有窿窿的魚塘在藍屋仔附近，原來唔係，仲要繼續入，感覺離深圳不太遠，哈哈，今次真係好好彩，遇到彩虹，又遇到位熱心師兄。

P6

這刻，我想，原來遇到彩虹是好運的，果然係真的。哈哈～假如當晚我行路入去，仲要找位置，保證一定拍唔到這輯相。感恩再感恩！

P7

P8

當晚雖下了几陣雨，但傍晚的紅霞都算唔錯，總算影到自己滿意相片，走時還是坐埋師兄的車出去大生圍村坐車回元朗。

見唔係好晏，返公司做埋Ｄ手尾。哈哈～～工作影相兩不誤，太滿足了！