2021年@風鈴木

大家有無覺得今年風鈴木早左開花呢? 我有呀! 記得去年是2月下旬在粉嶺天橋拍，所以在上周日見到有點意外。

P1

忙忙碌碌又一周！上周日，上午忙完家務，下午想出去逛下，諗到龍鼓灘，睇下有無蝴蝶影，真係好耐無影蝴蝶了。

P2

去到平時影蝴位置，一片清涼與寂靜，花草枯萎，看著讓人心灰。加上天色又灰，一個人更覺不是滋味。

P3

打道回府前，在士多小食店飲杯返熱奶茶，跟士多老闆只狗玩一陣，個人又開心返少少。

P4夾來看下效果，插花～

又係個句，上天對我好好，知道我影蝶吃白果，又比返几棵風鈴木我看看。雖然樹有細棵，花兒有些謝，但一個人獨自享受足夠了，而且好滿足！呵呵～

P5

由龍鼓灘回家路上，巴士將到「屯赤」高速路回旋處，坐在巴士上的我離遠見到路邊有一行小樹長滿粉紅色花，當時也不知道什么花，雖然天快黑了，也按鐘到站落車看看。

P6

一心下車看下什么花，打算今周先來影，點知，原來好多花都謝謝D，仲係濃濃D，不知為何會如此。

P7

見此，只好努力找角度，搵Ｄ新鮮花來影。由於天色太灰，我特登影到個天白色來襯返粉紅色，本人覺得比灰黑色天靚！

P8

P9

裡張係用路牌作底色，特別嗎?

P10

再加返少少夢幻，整色整水，不是太多人中意的，我就係玩下心態，無防！

P11

講起來，這裡個位置係我第一個知道，也是第一個來影，所以呢，平時坐車不要睡覺，分分鐘錯過靚風景。哈哈，第二日我告訴了屯門師姐！分享快樂，但要緊記「限聚令」呀！

P12

一個人，對住D花都玩到天黑，影相，真係無時間觀念，老公說的。夜了，北風呼嘯，小樹在狂風中搖晃，幼枝在半空中發出沙沙聲，寒意湧上心頭，該回家了！