再追月@月出大帽山

昨晚的月亮崩左少少，今日十五，月亮肯定是最美的，除非雲。既然咁，第二晚又再出動。

今晚，月出時間較昨晚遲，睇APPS是八點左右，今晚很順利，去岩拍攝位置，落車行几分鐘便到。

放好腳架，等待中，抬頭望下個天，超大煙霞，有光都勉強見到遠山，到天黑時更朦。耳邊總聽到有人說，點搞呀？越來越朦，直情睇唔到大帽山波波，我說無所謂啦，既來之則安之。

師兄在旁聊天，吩咐我：＂MayMay唔好眨眼呀，盯實山上波波中間位，係這几分鐘架啦，呵呵，話音没落，我就大聲叫：出來了啦出來啦。。另一師兄打趣說了一句：生仔咩！

嘩，一隻黃橙橙大月亮，超搶眼，看下時間，跟預計時間迟左几分鐘。月亮像是個怕羞的小姑娘，慢慢探個頭出來。

隔左一晚，月亮顏色咁大分別，今晚更吸引，金橙橙，開心到呢。。師兄見我都O嘴，我自認小學雞嘛，都没影過咁靚月亮。

又聽到師兄說：死得，越來越好大煙霞。

我說，唔緊要啦，影月亮嘛，主角靚就得啦。看，月亮已路出大半個臉，笑笑口咁望著我們。

寧靜的晩上，薄霧輕垂，藍色夜空中，我感受到天地的美麗。

天色漸漸暗下來，圓圓的月亮掛在天上，像是在祝願我們人月俩團圓，幸福快樂。

雖然有些灰朦，又圓又大的月亮格外耀眼。

影一輯相，只用左十二分鐘，影左咁多年相，如此地快都係第一次！八點十五份閃人。