安慰獎@大澳虎山反曙暮暉

上一篇說三進三出大澳，都没有影到心目中珍灰蝶。

第二次去的時候把腳架及Y鏡帶上，當天陽光燦爛，能見度高，雲不算太多，這樣的天氣很大機會有曙暮暉。（算是少少經驗吧！）

下午四點在影蝶處下山，同伴直接回家，這次我是獨闖虎山，你會覺得我好燦影嗎？不是呀，交通費好貴，要影返夠本先走。

看看時間，離日落還有一個多小時，找間茶厅坐低飲返杯凍飲攝下時間都好。

P1

個日真係超熱，飲完杯凍柠樂出來，之後行到離上虎山附士多又買支雪條吃，仲有時間，又坐在士多旁同店仔老闆吹下水，哈，我都八掛，問東問西，店仔老闆又咁好心機講舊時，因臨近中秋、又有燈會等等，好多野講，我就小學生靜靜的聽，聽下聽下夠鐘走人。。。。

P2

二十几分鐘已經上到家樂徑，獨闖都唔怕，因為好多一家大細在這裡行山，欣賞日落。

P3

果然被我估中，天空清朗，上空既雲唔多，曙暮暉機會大了。

P4

影完日落，等待Magic hour出現，如果日落後這15分內都無，那就要返歸，經驗所談。

P5

影住曙暮暉時，又向後望下，竟然出現"幻彩詠虎山"反曙暮暉，驚喜呢，靚到呢。。。扛著腳架向前跑，對住東面影，旁邊行山人士嘩嘩聲，說没遇過咁樣靚彩霞。

P6

唔好話你，我都係第一次遇到咁靚＂反曙暮暉＂，今日出篇文再諗起當晚情形，仍是好開心！

P7

彩雲射向天，搞到人都癲～哈哈～

這張相係我全年最中意一張相，在FB日出日落群組將近400個LIKE，第一次有咁，心中暗暗自喜，裡D咪係影風景魅力囉。

P8

左中右各拍一張不過份架。

P9

接近7點半了，仍有几個人同我一樣癲,一於影到最後一刻先走。

望住咁靚既景，有誰捨得走呢！

P10

今次影珍灰蝶之行，算是結束了。

雖然影唔到靚珍灰蝶，但影到這輯曙暮暉，都算是我最大安慰獎。

同時也感受到影相那种心情愉快，可以平衡生活上煩惱之事，從中找到一些些快樂，也算是小確幸！