年二十八閒聊

今天是年二十八了，大家都辦好年貨了吧？接著又是在洗洗刷刷，乾乾淨淨迎新年！哈哈。。老公總是自言自語說，每年都係例牌動作，顯得有些不願意做。呵呵～～

唯一唔係例牌動作是今年無花市行，有些唔似過年，我每年都有行市花習慣、買下花、順便影輯花花來放下博客，今年無了，用嘉道理「鐘花櫻桃」頂住先啦。

嘉道理「鐘花櫻桃」開得好靚。之前有朋友跟我說，疫情期間每天只接待一千人，搞到我一大早去排隊，後來才知唔係，不過早有早好，可以早坐巴士上，如果唔係分分鐘到一二點才有車上。

東拉西扯下吧，不知不覺有一個月没有上博客！十二月份家裡裝修，本來預計一個月時間，最終没能按時完成，加上又聖誕、又元旦這些假期，拖拖拉拉都遲了十日八日才搞掂。

與朋友聊起這些事，大多數都說裝修佬没有一個準時的，遲十天八天算正常了，听罷心裡舒服了許多，總算搞掂來過年也就算了。

最頭痛是裝修好之後又要搬返D物件回來，又要執。裝修前清空間屋原來真係想像唔到屋企咁多野，後來丟了很多，仍然都有好多東西，這就是家，家總是很多東西的。呵呵～～

年前，我是輕鬆多了， 裝修完不用往年咁翻箱倒籠地搞清潔，所以多左時間出去感受過年氣氛，選擇一些人少效外行下， 去下錦田買農家菜，睇下年花也是不錯節目。

好鮮艷「鐘花櫻桃」，用眼睛去欣賞很美，但影真係唔識影，太密集，好難搵到背景清淨來影。

冬天將要結束，春天不遠了！讓我們一起來迎春接福！

同時我也提早向博友們拜年！

祝大家新春行大運，如意吉祥，身體安康！