日落青馬大橋

虎年的春節過得不太爽，又冷又蔭濕天、疫情又大爆。一個多星期來，連個下午茶都唔敢出去叹下，之前屯門重災區，今日睇來，好似全港都爆，都唔知想點，仿佛疫情看不到盡頭，真係要自求多福。

今日年初三，對我來說算是過左個年了。不用去拜年、又唔敢出去飲飲食食，又少左見朋友，如此一來，日子就淸閒了許多，幸好自己是煲劇狂，一煲便煲到天昏地暗了，所以日子就特別快過了，哈哈

寒冷的日子，出返一輯溫暖日落照，希望大家睇完會暖些和開心些啦。

年二十八，有意想不到日落彩雲。出門遲左，上到山太陽快要下山了，那時師兄才說，我們是來影太陽旦入籠門，能遇上靚雲彩當係獎勵。

仲以為會燒天，話口没完，所有靚雲彩一陣就消失，接著而來係一道黑雲，好似一條很厚的帶子牢牢套住山腳，不給太陽出來露個臉。

本來計好位置和時間，如果太陽比面的話，那它就剛好入到橋上第二個窿，今次無奈又白果。

夜色開始了，唔爭在影埋張車軌先走，其實之前影過，没有什么特別，純是陪人影這張夜景而已，呵呵。

新年伊始，風箏在此恭祝大家：虎年行大運！財源廣進！事事順境！出入平安！笑口常開！恭喜～恭喜！