苧麻珍蝶

苧麻珍蝶：

係我見過咁多蝶飛行能力最差，速度最慢既蝶，除非無發現，當有發現停在那赶都唔走。記得去年影交尾，影完先打電話叫朋友過來影，朋友即由天水圍坐巴士再轉小巴來到川龍村，麻珍一直都仲Enjoy緊不捨散去，可想而知珍姐有幾懶，但其實唔係交尾先咁懶哈哈：），就連單只也是這樣，所以話影佢係無挑戰。

P1

苧麻珍蝶，在影友眼中成了「川龍村」特色，話去川龍就一定係影珍姐。雖然話珍姐無挑戰，但每年都會去，因為在那裡影相最輕鬆最舒服，仲可以順便與影友聚會飲下茶。

　P2

嘻嘻，繼續Enjoy，不用理我的。

根據資料，麻珍被評為香港罕見的蝴蝶，2002年香港新發現品種，幼蟲食用苧麻；展翅約60 至 70 毫米；雌雄二型。

你認真看下，佢身上線條好似畫上去咁，都几特別架。

P3

遠處的花兒也漂亮，也搞不清誰主角了。

P4

炎熱天氣，躲在冷氣房裡睇返以前拍相片，快樂可以這麼簡單，簡單可以這么快樂！

P5

通常見到交尾都會好心急向影友通風報信，心急之下就講錯野，記得當日也閙出個笑話。

我見一堆人在河邊圍住一棵类似荷葉(圖一)，下去看個究竟，原來真的有交尾，咁當然快Ｄ通知在上面影友啦，點知信息寫漏字，變左：「師姐師兄快快下來河邊交尾」！點知群組影友睇完笑住跑下來，有人捧腹、有人影相。

唉～～其實我係想寫：「師姐師兄們，有蝶交尾，快些下來河邊影啦」！

笑完，就祝大家週末愉快！

呵呵～