柑橘解渴

悄悄告訴大家，這張相我印象中今年最多Like的一張!(FB)

今次又再被(FB)「香港自然與生態攝影會」版面拿來貼堂，嘻嘻，是有些開心的～！開心嘛，當然告訴大家啦！

其實也不是，今次得一种蝶咁單調，無事搵事講囉。

 P1

早期，影蝶友告訴我，朗屏邨後山有幾种蝶影，我就係打鐵趁熱。在前一個周六，約左師姐晨咁早出發往朗屏邨後山去，天氣高溫，諗住早去早回，如有野影既話，影到十二點收工啦。

上到山，原來真係一年人事几翻新，變～唔只係城市，就連山上既環境都唔同左，沿路兩旁多左好多山坟，又多左亞伯行山吹水，平坦位仲有櫈有枱，唔通亞伯與「他們」開枱，呵呵，連去年蝴蝶上那棵馬櫻丹花如今都無埋，剩下那小塊泥地都長滿雜草。

 P2

師姐說，咁既形勢就算有蝶都難影，Ｄ花長在雜草中間，影到都唔靚啦，咁一場去到，等多陣先轉場吧！

轉場上丫髻山，嘩，樹都無棵，曬死人，由朗屏行上丫髻山都几金，又長又斜，有時真係唔明自己好似撞左邪咁。哈哈～

以前朋友話，風箏，真係睇你唔出，白白淨淨，斯斯文文個樣(騙到人)，竟然咁癲，大熱天時上山，你話，唔係撞邪係咩哈哈～！

P3

別扯遠了，無人咁贊自己既。呵呵～～

丫髻山對我來說真的很少吃白果，但今次真的很少蝶，之前山火原因，花草樹木甚少，蝴蝶在上空盤旋，或許是找花找不到，所以不肯停下來。

既然那麼辛苦行上來，無理由咁快走，坐在那小樹蔭下慢慢等吧，時間一分一秒地過，不覺中都等左兩小時，蝶仍在上空飛唔肯停，師姐開始無心機叫走，我話你走先，我等多一陣。師姐十二點已下山，我一個人傻傻的坐在樹蔭下望天打掛，死啦，剩下D水唔多，又唔敢一下饮太多，驚崖唔到一點钟呀，那刻我在諗，如有人肯賣支凍可樂比我，一百元我照買，可知我有幾渴。

熱到頂唔順飲完水，走啦，費事熱死在那裡累人哈～

正當我下山走到那段平坦的路上，牠「柑橘鳳蝶」竟然出現，嘩，玩野呀，才出來，拿拿聲拿機出來，心又再想，邊個咁好心，在路旁種上几棵兰花，惹蝶來，估唔到仲好乖，停几次每次都停留數十秒，得我一個人影無人爭位，位唔靚都唔影啦，影左十幾分鐘搞掂收工啦！

話時話，那刻我已經唔口渴了，柑桔果然解渴(開心到流口水。)

如果我無記錯，我從没有見過別人影「柑橘鳳蝶」配這種花(兰花类)，這應是頭一張。大家鼓掌～～～～呵呵～～