現在：天文台發出新界北部水浸特別報告，指新界北部，尤其是八鄉及錦田一帶，正受大雨影響。在過去1小時，該區錄得超過70毫米雨量。雷暴警告生效，有效時間至下午6時。
窗外雨勢係我今年見到最大一次，Office窗邊比雨打到滲水，忙著抺漏水，突然Office燈停几次，然後又自動著返，嘩~~驚驚，七月十四過左了喔，呵呵~~!!
清理工作完成後，想到這几張相都應景呀，PO出來分享下。
P1
較早前，見到朋友影閃電，我又好奇又唔識影，但又想去試下，於是上周四晚上收工一個人去元朗大馬路玩下。据天文台記錄，當晚九點到十點有雷雨。
P2
一個人唔知去邊好，有排都没到九點十點? 一於在附近快餐店吃飯慢慢等啦(快餐店坐几耐都無人理)，坐到九點再上返去天橋，哦，上到橋終於等到傾盆大雨了，影下雨景都唔錯，但想不到咁夜仲有兩位師兄同我一齊癲。
P3
第一次影，閃電出現位置都唔知在那邊，直到九點半先見到相機右邊閃左一下，但不是很震撼，於是再架好腳架，對住那位置不停咁按快門，我見隔離位師兄唔使郁點影呢? 又多口問下點解，佢一口氣講左好多關於影閃電和要買那些配件比我知。但我現在都唔記得左了， 點都好，真係好多謝那位師兄!
P4
等左成晚終於都傾盆大雨和雷電，按左几百張相先影到這一張，真慘。按師兄講，當晚既閃電全部集中在流浮山那邊，來到元朗那些閃電尾，加上樓太高，遮住大半。師兄再拿出電話看天文台APP，告訴我，雨和閃電開始遠離，那時已經成十點半，都係時候回家，把架生放返公司再回家。
老公不停打電話來問大雨還不回來，同佢講約左人吃飯，咁大雨又雷電交加，話比佢知去影閃電，唔比雷劈死都比佢閙死。哈哈~~
沒有留言:
張貼留言